سليم ابو نقطة
ابو العبد : يا رجل إمبارح شفتلك ( ابو يوسف ) ..وضعو متدهور!!!!
خلف : الله يعافينا يا رب ..يا زلمة شلون قطعولوا رجليه الثنتين
ابو العبد : الله يعين "مرتو" وولاده عليه
خلف: بالاخير هاظ ابوهم وبدهم يتحملوه ... ولّا غد الناس بتوكل لحمهم
ابو العبد : والله بعدو زغير هالمسكين
خلف: مسكين هالمصخّم ..طيب هو إيش إللي صار معه؟
ابو العبد: والله اللي صار معه سولافه ما بتتسولف
خلف: هات سمعنا
ابو العبد: هاظ يا سيدي الزلمة قبل مده شلح البنطلون.....
خلف: يا سلام ..كل مرضتو من شلحة البنطلون ؟؟
ابوالعبد : يا زلمة لا تقاطعني ...ولّا ... والله ببطل اكمّل
خلف: لأ لأ..كمّل كمّل يا زلمة كمّل
ابوالعبد: لما شلح البنطلون ..شافلك رجلو وإنها زرقة زرقة مثل النيله..وزراق الرجل مش مليح
خلف: الله يحمانا ويسلمنا ..... ايوه وبعدين؟!
ابو العبد : قام راح طيار عَ الدكتور ..ورجا إيّاها ..فقرر الدكتور يقطعلو إيّاها ..لأن الزراق بخوف وما ينسكت عليه
خلف: يا ساتر ....طيب والرجل الثانيه ؟؟
ابوالعبد: ما فات مده عن قطع الرجل الاولى ولا ...رجله الثانية طاب فيها الزراق ...قام رجع مرة ثانية ع الدكتور
خلف : طيب !!!!!
ابو العبد: شو طيب قطعلو إيّاها كمان .. ويا ريت وقف الزراق
خلف : شو قصدك؟!!!
ابو العبد : تصور حتى بعد ما قطعوا رجليه الثنتين ....ظل الزراق ينتشر ...وطلع لعند حوضه وزره
خلف: يا لطيف !!!!! كمّل يا زلمه نشفت دمي
ابو العبد : طبعا رجع ابو يوسف مرّة ثالثة عالدكتور
خلف: شو ..... قطعلوا الحوض والزر؟!!!
ابو العبد : لمّا شاف الدكتور الحوض والزر مزورق سألو : إنتَ بتلبس بنطلون جينز أزرق يا ابو يوسف ؟!!!!
قلّو ابو يوسف : آه يا دكتور ... جنز صيني
قال الدكتور : الله يسامحك ليش ما قلتلي من اول
يا زلمة؟!!!
قال ابو يوسف : ليش يا دكتور بدك تشيلّي كمان الحوض؟!!!!
قال الدكتور: لأ ....هاظ طلع بنطلون الجنز اللي بتلبسه من النوع اللي بحل!!!!!!
خلف: الله اكبر ...منين هاظ الدكتور الله لا يوفقه ....اشتكى ابو يوسف عليه ؟!!!
ابو العبد : لا والله سامحه ....بنظل يا خلف احنا مليحين مع بعضنا ولا تنسى
المثل اللي بقول قطع الرجلين ولا قطع الارزاق!!!!وكالة كل العرب الاخبارية
