وكالة كل العرب الاخبارية

في البدايه إسمح لي معاليك بأن اشهد بأنك صاحب خلق و دين وانك قد نشأت و ترعرعت في اسرة كريمه جاءت من الكرك الأبيه ونعرف بأن مطالب اخواني المعلمين هي مطالب شرعيه لا غبار عليها بغض النظر عن توقيت الاضراب فهذا حق لهم .

لم يشعر طلاب الصف الأول الابتدائي في ديرالسعنه وجحفيه وقريقره و ثغرة الجب و جديتا بطعم السنه الدراسيه الجديده ولم يتم مقابلتهم بالابتسامه والترحيب من مدير المدرسه ككل سنه وهذا ليس ذنب موظف يطالب بالانصاف وإنما تتحمله وزاره وحكومة فلا يعقل يا معالي الوزير أن يكون راتب طالب رسب خمس مرات و رفع تلقائيا مرتين و طرد من المدرسه أكثر من راتب المعلم ولا ذنب للمعلم بأن يكون راتبك و راتب أصحابك الوزراء أربعة آلاف و ثلاث آلاف والنواب ألفين دينار وغيرهم وغيراتهم !!!!

سمعنا انه النواب ينتقدون بشده إضراب المعلمين كونه في توقيت غير موفق (عن جد اشي بيضحك) أما انتو يا نواب ملائكة ما شاء الله ...طخطخه و هوشات و مسبات من تحت الزنار و فضايح بالمقابلات ع التلفزيون والواحد فيكم بيجوز بيعرفش يكتب عاش الوطن ....شاطركم بالتأتأه

دولة الدكتور عبدالله النسور خللي عجز الموازنة يزيد شوي أو قزوعه (آي مو غلط ) و رجع الفرحه لاولادنا والله مشتاق من كل قلبي اشتري تجليد و برايه ومحايه و أشوف أولادنا رايحين ع المدرسه مبسوطين .أولادنا هسع بيروحوا ع المدرسه و كأنهم رايحين يلقطوا فطور ما يمداهم والا صاروا يطقطقوا ع الباب ، حتى فرحتنا بالوحده مع نسوانا شطبتوها!!!!!
أي مزراق يدحل كل واحد ما بيحب الاردن و مزراق كل واحد مش غيور على تراب الاردن وأولاد الاردن .